मकवानपुर – आगलागीका कारण घर पूर्ण रुपमा क्षति भएका हेटौंडा ६ रामनगरका आत्मलाल चौलागाईलाई हेटौंडा उपमहानगरपालिकाले खाद्यान्न सहयोग गरेको छ । मंगलबार विद्युतको तार सट भई चौलागाईको घर पूर्ण रुपमा क्षति भएको थियो ।

-------------- बिज्ञापन ---------------

बुधबार हेटौंडा उपमहानगपालिकाका उपप्रमुख राजेश बानियाँ खाद्यान्न सामग्री सहित आगलागी पिडित चौलागाईको घरमा पुगेका थिए । आगोले पूर्ण रुपमा क्षति भएको घरको निरीक्षण गर्दै उपप्रमुख बानियाँले क्षति भएको घरको पुनर्निमाणमा उपमहानगरपालिकाले सहयोग गर्ने प्रतिबद्धता व्यक्त गरे ।

उपप्रमुख बानियाँले चामल, दाल, नुन, तेल, चिउरा, चिनी, साबुन सहयोग गरेका हुन् । राहत हस्तान्तरण गर्न हेटौंडा–६ का वडा अध्यक्ष विष्णुबहादुर दाहाल, वडा सदस्य विजय पौडेल पिडित चौलागाईको घरमा पुगेका थिए ।