खोलामा नुहाउने क्रममा स्थानीय एक व्यक्तिको मृत्यु भएको छ । मृत्यु हुनेमा मनहरी गाउँपालिका ७ मनहरी माथिल्लो बजारका शेखर थापा रहेका छन् ।
-------------- बिज्ञापन ---------------
मनहरी खोलामा नुहाउने क्रममा पानीमा डुबेर उनको मृत्यु भएको जिल्ला प्रहरी कार्यालय मकवानपुरले जनाएको छ । मृतकको शव मुचुल्का पश्चात पोष्टमार्टमका लागि हेटौंडा अस्पतालमा लगिएको प्रहरीले बताएको छ ।
मनहरी खोलामा ढुंगा, गिटी, वालुवा उत्खनन् हुँदा जमेको पानीमा डुबेर मृत्यु भएको मृतकको आफन्तको आरोप रहेको छ ।
मनहरी खोलामा पछिल्लो समय ट्याक्टर व्यवसायीले अवैध तरिकाले ढुंगा, गिटी, वालुवको उत्खनन् र ओसारपसार भैरहेको स्थानीयको आरोप छ ।
