हेटौंडा ११ सिमलटारमा रहेको विपन्न वचत तथा ऋण सहकारी संस्था लिमिटेडले सिमलटारका दशजोड दुई र सो भन्दा माथिका विद्यार्थीलाई कम्प्युटर सम्बन्धि आधारभुत तालिमको आयोजना गरेको छ ।
-------------- बिज्ञापन ---------------
चिनीमाया प्रतिष्ठानको सहयोगमा सञ्चालन गरिएको तालिमलाई हेटौंडा ११ नम्बर वडा अध्यक्ष जुना दाहालले उद्घाटन गरेकी हुन् । प्रतिष्ठान एवम् सहकारीका अध्यक्ष कमलचन्द्र सुमनको अध्यक्षतामा कार्यक्रम भएको हो ।
वडा अध्यक्ष दाहालले तालिमको महत्वबारे जानकारी दिँदै सीप सिकेर दक्ष बन्न आग्रह गरिन् । सीप हुने युवालाई नेपालमै अवसर रहेको बताउँदै उनले तालिमबाट सिकेको सीपलाई व्यवहारमा उतार्न अनुरोध गरिन् ।
कार्यक्रममा त्रिभुवन मा.बि.व्यवस्थापन समितिका अध्यक्ष रामकृष्ण बस्नेत, आयोजक संस्थाका सहसचिव पिमिसरा दर्लामी मगर, कोषाध्यक्ष लक्ष्मी भण्डारी, तालीम प्रशिक्षक सुदिप भुर्तेल लगायतको आतिथ्यता रहेको थियो । तालिमका लागि हेटौंडाका ब्यवसायी तथा सामाजिक ब्यक्तित्व ज्योतिरत्न बज्राचार्य, माभेन कन्सल्टेन्सी, नमस्कार साप्ताहिक, विपन्न बचत तथा ऋण सहकारी संस्थाले कम्प्युटर सहयोग गरेको बताइएको छ । तालिममा २० जना प्रशिक्षार्थी सहभागी रहेका छन्
