मकवानपुर – भारतमा राम्रो काम लगाइदिने भन्दै सर्वसाधारणसँग रकम ठगी गरेको आरोपमा मकवानपुर प्रहरीले एकजनालाई पक्रेको छ । पक्राउ पर्नेमा बझाङको छविसपाथीभेरा गाउँपालिका ४ का २५ वर्षका सन्तोष थापा रहेका छन् ।
-------------- बिज्ञापन ---------------
उनले भारतमा राम्रो काम लगाइदिने भन्दै मकवानपुरको बकैया गाउँपालिका ५ का २६ वर्षका सुरेश थिङसँग २ लाख ४ हजार २८९ रुपैयाँ र चितवनको राप्ती नगरपालिका ४ भण्डाराका २९ वर्षका रोशन घिमिरेसँग एकलाख ९२ हजार गरी ३ लाख ९६ हजार २८९ रुपैयाँ ठगी गरेको जिल्ला प्रहरी कार्यालय मकवानपुरले जनाएको छ ।
उनलाई हेटाैंडा १० बसपार्कबाट पक्राउ गरिएको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक लक्ष्मी भण्डारीले जानकारी दिए । पक्राउ परेका थापालाई मकवानपुर जिल्ला अदालतबाट म्याद थप गरी आवश्यक अनुसन्धान प्रक्रिया अघि बढाइएको डीएसपी भण्डारीले जानकारी दिए ।
