तीन खेलको टी–२० अन्तर्राष्ट्रिय क्रिकेट शृङ्खला मंगलबारदेखि शुरु हुँदैछ । बङ्ग्लादेश र अमेरिकाबीचको यो खेल हस्टनमा बेलुका ८ः४५ बाट शुरु हुनेछ । पर्सि बिहीवार शृङ्खलाको दोस्रो खेल र शनिवार अन्तिम तथा तेस्रो खेल हुनेछ ।
-------------- बिज्ञापन ---------------
मोनान्क पटेलले अमेरिकाको र लिटन दासले बङ्ग्लादेशको कप्तानी गर्दैछन् । दुवै टोलीका लागि आईसीसी टी–२० विश्वकप क्रिकेट अगाडि यो शृङ्खला निकै महत्त्वपूर्ण रहेको छ । अमेरिका र वेस्ट इन्डिजमा आउँदो जुन २ तारिखदेखि नवौँ संस्करणको टी–२० विश्वकप शुरु हुँदैछ ।
सबै देशले प्रतियोगिताका लागि टोली घोषणा गरिसकेका छन् तर पाकिस्तानले भने प्रतियोगिताका लागि टोली घोषणा गर्न बाँकि रहेको छ । चार वटा समूहमा राखिएको प्रतियोगितामा २० वटा देश सहभागी छन् । उद्घाटन खेलमा क्यानडा र अमेरिकाबीच जुन १ मा प्रतिस्पर्धा हुनेछ ।
