त्रिभुवन राजपथ (नागढुंगा–नौबिसे सडक खण्ड) दुई दिन रातको समयमा बन्द हुने भएको छ ।
धादिङबाट काठमाडौं आउने मुख्य राजमार्ग त्रिभुवन राजपथको नौबिसे खोलाको पुलमा काम गर्न सहजीकरणका लागि असार १९ र २० गते राति १० बजेदेखि बिहान ३ बजेसम्म सडक बन्द गर्न लागिएको धादिङ प्रहरीले जानकारी गराएको छ ।
यस समयमा एम्बुलेन्स र सुरक्षा निकायले प्रयोग गर्ने सवारी साधन बाहेक सबै सवारी साधनको आवागमन रोकिने छ ।
काठमाडौंबाट नौबिसे निस्कन वा नौबिसेबाट काठमाडौं आउन वैकल्पिक मार्गका रूपमा धार्के–सितापाइला सडक प्रयोग गर्न सकिने छ ।

-------------- बिज्ञापन ---------------