आज बागमतीका मुख्यमन्त्री शालिकराम जम्कट्टेलले राजीनामा दिएका छन् । प्रदेश सभालाई सम्बोधन गर्दै मुख्यमन्त्री पदबाट राजिनामा दिएका हुन।
-------------- बिज्ञापन ---------------
केन्द्रमा सत्ता समीकरण फेरिएसँगै बागमती प्रदेशमा असार २४ गते सता साझेदार दल नेकपा एमालेले समर्थन फिर्ता लिएसँगै अल्पमतमा परेका जम्कट्टेलले प्रदेश सभाबाट विश्वासको मत नपाउने निश्चित भएपछि राजीनामा दिएका हुन् ।
यसअघि जम्कट्टेलले विश्वासको मत लिन प्रयोजनका लागि प्रदेश सभा सचिवालयमा प्रस्ताव दर्ता गराएका थिए । बागमती प्रदेशमा नयाँ सरकार बनाउन दुई दलको स्पष्ट बहुमत रहेकाले मार्ग प्रशस्त गर्न आफुले मुख्यमन्त्री पदबाट राजिनामा दिएको बताए हुन् ।
अब माओवादी केन्द्रले प्रदेश सभामा सशक्त र रचनात्मक प्रतिपक्षको भूमिका निर्वाह गर्ने उनको भनाई छ ।
बागमतीमा अब कांग्रेस(एमाले गठबन्धन सरकार बन्नेछ । कांग्रेसबाट बहादुर सिं लामा मुख्यमन्त्री बन्दै छन् ।
