आज मंगलबार बागमती प्रदेशका मुख्यमन्त्री बहादुर सिं लामाले विश्वासको मत प्राव्त गरेका छन् । मंगलबार बसेको प्रदेशसभा बैठकमा विश्वासको मत सम्बन्धी प्रस्ताव पेस गरेका मुख्यमन्त्री लामाको पक्षमा ६४ मत प्राप्त भएको हो ।
-------------- बिज्ञापन ---------------
लामाले ३० दिन भित्र संसदबाट विश्वासको मत लिनुपर्ने थियो । पहिलो पटक मुख्यमन्त्री बनेका लामाले मंगलबार प्रदेश सभाबाट विश्वासको मत प्राप्त गरेका हुन।
१०३ जना सहभागी प्रदेश सभामा मुख्यमन्त्री लामाले विश्वासको मतको पक्षमा ६४ जना, विपक्षमा ३५ जना, ३ जना तटस्थ र ७ जना सांसद अनुपस्थित भएका थिए ।
प्रदेशसभाका सभामुख भुवन पाठकले मुख्यमन्त्री लामाको पक्षमा आएको मत बहुमतले पारित भएको घोषणा गरे ।
गत साउन ८ गते प्रदेश प्रमुख यादवचन्द्र शर्माले नेपालको संविधानको धारा १६८ को उपधारा २ बमोजिम बागमती प्रदेशका मुख्यमन्त्री पदमा लामालाई नियुक्त गरेका थिए ।
