हेटौंडामा जारी तेस्रो रोटरी मकवानपुर पिप्ले–क्याम्पा राष्ट्रिय भेट्रान्स फुटबल प्रतियोगिता अन्तर्गत आज भएको खेलमा फ्रिडम फाइटर्स भेट्रान्स काठमाडौं र सिमरा भेट्रान्स बारा क्वाटरफाइनलमा प्रवेश गरेको छ ।

-------------- बिज्ञापन ---------------

बुधबार युनिटी भेट्रान्स वीरगञ्जसँग ५–१ को जित निकाल्दै फ्रिडम फाइटर्स क्वाटरफाइनलमा प्रवेश गरेको हो । फ्रिडमका निलेन्द्र देवानले ४ गोल र विकर्ण श्रेष्ठले एक गोल गरेका हुन् । देवानले २९, पहिलो हाफको अन्तिम मिनेट, ३७ र दोस्रो हाफको अन्तिम मिनेट गरी ४ गोल गरेका हुन् । युनिटीका लागि ५० औं मिनेटमा कोमलकुमार खवासले एक गोल फर्र्काएपनि टिमलाई हारबाट जोगाउन सकेनन् । खेलको म्यान अफ द म्याच फ्रिडमका निलेन्द्र देवान घोषित भए ।

दोस्रो खेलमा अभिषेक चर्च भेट्रान्सलाई टाइब्रेकरमा स्तब्ध बनाउँदै सिमरा भेट्रान्स क्वाटरफाइनल प्रवेश गरेको छ । निर्धारित समय एक÷एक गोलको बराबरी भएपछि टाइब्रेकरमार्फत निर्णय लिइएको हो । खेलमा पूर्णबहादुर रानाको गोलमार्फत अभिषेक चर्चले अग्रता लिएको थियो । सिमराका शेखर चौधरीले खेललाई बराबरीमा ल्याए ।

टाइब्रकेरमा सिमराका लालबहादुर गुरुङ, दिपेन्द्र चौधरी, राजु तिमल्सेना र शिवकुमार चौधरीको प्रहार गोलमा परिणत हुँदा अभिषेक चर्चका पूर्णबहादुर राना र टीकाबहादुर बिकले मात्रै गोल गरे ।