देशका विभिन्न शहरमा वायु प्रदूषण बढ्न थालेको छ । आज काठमाण्डौ विश्वको नवौं प्रदूषित शहर मापन भएको छ ।
-------------- बिज्ञापन ---------------
काठमाण्डौको एअर क्वालिटी इन्डेक्स एक्यूआई १ सय ८० पुगेको छ । चितवनको मेघौलीमा वायु प्रदूषण अति अस्वस्थ अवस्थामा पुगेको छ । मेघौलीको एक्यूआई २ सय २८ पुगेको छ ।
१५० सम्मको एक्यूआईलाई सन्तोषजनक, १५० देखि २ सयसम्मलाई अस्वस्थ र ३०१ देखि ५ सयसम्मलाई आपत्कालीन अवस्था मानिन्छ ।
भारतमा धान काटेपछि पराल जलाउँदा ठूलो मात्रामा प्रदूषण पैदा हुने गरेको छ । त्यसको असर नेपालमा पनि अब देखिन थालेको हो । पानी पर्ने सम्भावना तत्काल नभएकाले केही दिनमा प्रदूषण झनै बढ्ने जनाईएको छ ।
