आज पनि सुनको भाउ घटेको छ । आज सुनको भाउ तोलामा दुई हजार ६ सय रुपैयाँले घटेको हो ।
-------------- बिज्ञापन ---------------
सुनको भाउ हिजो र आज दुई दिनमा तोलामा १८ हजार पाँच सय रुपैयाँले घटेको छ । सुनको भाउ आज घटेर तोलाको एक लाख ४८ हजार सात सय रुपैयाँका कारोबार भइरहेको नेपाल सुनचाँदी व्यवसायी महासङ्घले जनाएको छ ।
हिजो सुन एकैदिन १५ हजार नौ सय रुपैयाँले घटेर तोलाको एक लाख ५१ हजार तीन सय रुपैयाँमा झरेको थियो । केही दिनअघि निरन्तर बढे्को सुनको भाउ हिजो भन्सार महसूल घटेसँगै आज पनि घटेको छ ।
त्यस्तै आज चाँदीको भाउ पनि २५ रुपैयाँले घटेको छ । चाँदीको भाउ २५ रुपैयाँले घटेर तोलाको एक हजार आठ सय २० रुपैयाँ कायम भएको महासङ्घले जनाएको छ ।
