हेटौँडा–८ स्थित कमानेमा ३ दिने ‘कमाने महोत्सव’ हुने भएको छ । “स्थानिय पर्यटन, स्थानिय सांस्कतिक प्रबर्द्धन, स्थानिय व्यापार प्रदर्शनी ” भन्ने मुल नाराका साथ आगामी पौष ११,१२ र १३ गते सम्म दोस्रो कमाने महोत्सव हुन लागेको पत्रकार सम्मेलन मार्फत जानकारी दिईएको हो ।
-------------- बिज्ञापन ---------------
हेटौँडा उपमहानगरपालिका वडा नं. ८ को आयोजनामा हुन लागेको उक्त कार्यक्रममा स्थानीय व्यापार, उद्यम र कला संस्कृतिको प्रवर्द्धन गर्ने उद्देश्य राखिएको जनाएको छ । वडा भित्र रहेका २१ वटा बाल समुहहरुको विभिन्न साँस्कृतिक कार्यक्रमहरु पनि हुने बताइएको छ ।
कार्यक्रममा वडाका १९ वटै टोल विकास संस्थाको संलग्न हुनेछन्। साथै, साना तथा मझौला उद्यमीहरूलाई आफ्नो उत्पादन प्रदर्शनीमार्फत बजारीकरण गर्ने अवसर प्रदान गरिने वडाले जनाएको छ । विभिन्न सीपमा आधारित महिला उत्पादन पनि प्रदर्शनीमा समावेश गरिने छ।
त्यसैगरी स्थानीय होटल तथा खाजा परिकार व्यवसायीहरूले पनि आफ्नो परिकार प्रदर्शन गर्ने अवसर पाउने जानकारी दिएको हो । हेटौडा कमानेको मेनरोड निम चोकदेखि सागर चोकसम्म हुने महोत्सवमा करिब ८ लाख बराबरको खर्च अनुमान गरिएको छ।
