मउवा संघको साधारणसभाको अवसरमा पत्रकारसहित अग्रज व्यवसायीलाई सम्मान गरिएको छ । कान्तिपुर दैनिकमा कायरत वरिष्ठ पत्रकार प्रताप विष्ट र रेडियो मकवानपुर तथा प्रदेश दैनिकका गणेशदर्पण अधिकारीलाई नगदसहित पुरस्कृत गरिएको हो ।
-------------- बिज्ञापन ---------------
विष्टलाई नगद २० हजार र अधिकारीलाई १५ हजार रुपैयाँसहित दोसल्ला र सम्मानपत्र प्रदान गरिएको थियो । पूर्व अध्यक्ष हिटलर विशेत, पल्पसा परिकल्पनाकारबाट निवर्तमान अध्यक्ष कृष्ण कटुवाल, उत्कृष्ट कर्मचारी दुर्गा लामिछानेलाई सम्मान गरिएको छ ।
समाजसेवातर्फ मामाघर नेपाल र संघसंस्थातर्फ साहित्य संगम मकवानपुरलाई नगद २५ हजार रुपैयाँसहित सम्मान गरिएको छ । संघले वाणिज्यतर्फ मोहनकृष्ण श्रेष्ठ, उद्योगतर्फ नरहरि नन्दन उप्रेती, एशोसियट्सतर्फ इभास लाइफ साइन्सेस हेटौंडा ३ र वस्तुगततर्फ मोबाइल एशोसियसन हेटौंडालाई सम्मान गरेको हो ।
सम्मानित तथा पुरस्कृतहरुलाई कार्यक्रमका प्रमुख अतिथि बागमती प्रदेशका मुख्यमन्त्री बहादुरसिंह लामा, संघका अध्यक्ष कृष्णकुमार गुप्ता अग्रवाल लगायतले नगदसहित सम्मानपत्र प्रदान गरेका हुन् ।
