आज माघ १६ गते शहिद दिवसको दिन सरकारले देशभर सार्वजनिक विदा दिएको छ । नागरिकको हकअधिकार र स्वतन्त्रताका लागि जीवन आहूति दिनेहरूको सम्मान स्वरुप आज बुधबार सार्वजनिक विदा दिएको हो । शहिद दिवस २०१२ सालदेखि नै मनाउदै आएको छ । तत्कालीन काठमाडौं नगरपालिकाको संयोजकत्वमा प्रत्येक वर्ष माघ १६ गते शहीद दिवस मनाउन थालिएको हो ।
-------------- बिज्ञापन ---------------
प्रजातन्त्र, नागरिक अधिकार र स्वतन्त्रताको माग गर्दा शहीद शुक्रराज शास्त्रीलाई १९९७ माघ १० गते काठमाडौंको टेकुस्थित पचलीमा र माघ १३ गते धर्मभक्त माथेमालाई सिफलमा मृत्युदण्ड दिइएको थियो ।
यस्तै गंगालाल श्रेष्ठ एवं दशरथ चन्दलाई माघ १५ गते शोभाभगवतीमा तत्कालीन राणा शासकले मृत्युदण्ड दिएका थिए ।
इतिहासको विभिन्न कालखण्डमा प्रजातन्त्र, राष्ट्र र स्वतन्त्रतासहित जनताका पक्षमा भएका आन्दोलनमा मृत्युवरण गरेका वीर सपुतको सम्मानमा हेटौंडामा पनि विभिन्न कार्यक्रम गरी मनाइँदै छ । सबै स्थानीय तहले दिवसको अवसरमा विभिन्न कार्यक्रमहरुको आयोजना गरेका छन् ।
