मकवानपुरमा यस वर्ष हुने एसइई परीक्षाका लागि २८ वटा विद्यालयलाई परीक्षा केन्द्रका रूपमा निर्धारण गरिएको छ। शिक्षा विकास तथा समन्वय इकाई मकवानपुरले सोमबार परीक्षा केन्द्रको तालिका सार्वजनिक गरेको हो।
-------------- बिज्ञापन ---------------
यस वर्ष १० स्थानीय तहका १४९ विद्यालयमध्ये सामुदायिक तर्फ ११२ र संस्थागत तर्फ ३७ विद्यालय परीक्षामा सहभागी हुनेछन्। चैत ७ गतेबाट सुरु हुने परीक्षाको तयारी पूरा भएको र उत्तर पुस्तिका तथा प्रश्नपत्र प्रहरीको समन्वयमा परीक्षा केन्द्रमा पठाइने जानकारी दिइएको छ।
नयाँ परीक्षा केन्द्रमा श्रमीक मावि हेटौंडा–४ र कालिका मावि नामटार थपिएका छन्। यस वर्ष मकवानपुरका सबै १० वटौ स्थानीय तहमा एसइई परीक्षा केन्द्र निर्धारण गरिएको छ।
