स्वास्थ्य कार्यालयले स्थानीय तहलाई पानी जम्न नदिन र लामखुट्टे नष्ट गर्न अभियान सञ्चालन गर्न निर्देशन दिएको छ। साथै, घर वरिपरि पानी जम्न नदिन, झ्याल ढोकामा जाली हाल्न, झुलको प्रयोग गर्न र लामो बाहुला भएका लुगा लगाउन पनि सिफारिस गरिएको छ।

डेंगुका सामान्य लक्षणहरूमा उच्च ज्वरो, टाउको दुखाइ, आँखाको गेडी दुखाइ, शरीरका जोर्नी र मांसपेशी दुखाइ, राता बिमिरा आउनु, वाकवाकी लाग्नु र बान्ता हुनु आदि पर्दछन्। यस्ता लक्षण देखिएमा तुरुन्तै नजिकको स्वास्थ्य संस्थामा जाँच गराउन आग्रह गरिएको छ।