नेपाल विद्युत् प्राधिकरणले भारतमा बिजुली निर्यात शुरू गरेको छ । गएको शनिवार रातिसम्म २०० मेगावाट बिजुली आयात भइरहेकोमा उत्पादन बढेपछि प्राधिकरणले आइतवारदेखि निर्यात शुरू गरेको हो ।

-------------- बिज्ञापन ---------------

आज प्रतिनिधिसभा अन्तर्गत पूर्वाधार विकास समितिको बैठकमा बोल्दै ऊर्जा, जलस्राेत तथा सिँचाइमन्त्री दीपक खड्काले नेपालमा प्रयोग भएर बाँकी रहेको बिजुली भारतमा निर्यात गर्न थालेको र हिजो १५० मेगावाट निर्यात गरेको जानकारी गराउनुभयो ।

नेपाल विद्युत् प्राधिकरणका प्रवक्ता राजाभाई सिल्पकारले पनि आइतवारदेखि निर्यात शुरू भएकोमा हिजो १५० मेगावाट निर्यात भएको जानकारी दिनुभयो । माग कम हुने समयमा बढी भएको बिजुली निर्यात गरेको उहाँको भनाइ छ ।