हेटौंडा । बागमती प्रदेश सरकारको आगामी आर्थिक वर्ष २०८२/०८३ को नीति तथा कार्यक्रम प्रदेश सरकारको मन्त्रीपरिषद् बैठकले स्वीकृत गरेको छ ।
-------------- बिज्ञापन ---------------
बागमती प्रदेशको मुख्यमन्त्री तथा मन्त्रीपरिषद् कार्यालय मङ्गलबार बसेको मन्त्रीपरिषद् बैठकले प्रदेश सरकारको आगामी आवको नीति तथा कार्यक्रम स्वीकृत गर्ने निर्णय गरेको प्रदेश सरकारका प्रवक्तासमेत रहनुभएका प्रदेशका आन्तरिक मामिला तथा कानुनमन्त्री सुजचन्द्र लामिछानेले जानकारी दिए ।
नीति तथा कार्यक्रम बुधबार प्रदेश प्रमुखबाट बागमती प्रदेश सभा बैठकमा संवोधन गर्ने कार्यक्रम रहेको छ । उक्त बैठकमा प्रदेश प्रमुख दीपक प्रसाद देवकोटाले आगामी आर्थिक वर्ष २०८२/०८३ वार्षिक नीति तथा कार्यक्रम प्रस्तुत गर्नेछ ।
सरकारको नीति तथा कार्यक्रम प्रस्तुत गर्न प्रदेशसभाका सभामुख भुवनकुमार पाठकले प्रदेश प्रमुख देवकोटालाई औपचारिक पत्राचार समेत गरिसकेको छ । सभामुख पाठकले उक्त दिन प्रदेशसभाका सदस्यलाई औपचारिक पोशाकमा उपस्थित हुन निर्देशन समेत गरिएको छ ।
