त्रिभुवन विश्वविद्यालयले यस वर्षदेखि लागू हुने शैक्षिक सत्रका लागि ‘शैक्षिक क्यालेन्डर’ सार्वजनिक गरेको छ । त्रिविले स्नातक तहको चार वर्षे वार्षिक कार्यक्रम र आठ सेमेष्टर प्रणाली, साथै स्नातकोत्तर तहका चार सेमेष्टर प्रणालीका लागि क्यालेन्डर सार्वजनिक गरेको हो ।
-------------- बिज्ञापन ---------------
नवप्रकाशित क्यालेन्डरमा भर्ना, प्रवेश परीक्षा, कक्षा सञ्चालन, परीक्षा फारम, परीक्षा र नतिजा प्रकाशन लगायतका सबै समयसीमा निर्धारण गरिएको छ । त्रिविको प्राज्ञिक परिषद्को निर्णयपछि यो क्यालेन्डर सार्वजनिक गरिएको हो ।
त्रिविका शिक्षाध्यक्ष प्रा। डा। खड्ग केसीका अनुसार समयमा नै कक्षा सञ्चालन, परीक्षा सञ्चालन र नतिजा प्रकाशन सुनिश्चित गर्नका लागि यो क्यालेन्डर ल्याइएको हो ।
