बागमती प्रदेशका मुख्यमन्त्री इन्द्रबहादुर बानियाँले काठमाडौँ उपत्यकाका पुरातात्विक सम्पदा र संस्कृतिलाई जगेर्ना गर्न प्रदेश सरकारले ध्यान दिने बताएका छन्।

-------------- बिज्ञापन ---------------

‘हौगः भिन्द्योपूजा परिक्रमा व्यवस्थापन समिति’ले आज पाटनको चक्रबहिलमा आयोजना गरेको पत्रकार भेटघाटमा मुख्यमन्त्री बानियाँले पुरातात्विक सम्पदा, भाषा र संस्कृतिलाई जोगाउनु प्रदेश सरकारको धर्म भएको र धर्मअनुसार कर्म गरिरहेको बताएका हुन्।

“मन, चित्त र बुद्धि शुद्ध राखेर गरिएका सबै कार्य सफल हुन्छन्, हामीले आफ्नो चित्त र मनलाई शुद्ध राखेर आरधाना गर्नुपर्छ, हाम्रो पुरातात्विक परम्परासँग जोडिएका सबै संस्कृति वैज्ञानिक छन्, पुरानो सभ्यता रहेको काठमाडौँ उपत्यकाको पहिचानलाई जगेर्ना गर्न बागमती प्रदेश सरकारले काम गर्छ”, उनले भने।

मुख्यमन्त्री बानियाँले भीमसेन पूजा हाम्रो पुरानो संस्कृति हो भन्दै पूर्वीय दर्शनले मान्दै आएको सांस्कृतिक परम्पराको देवता भीमसेन महाराजको पूजा ठाउँ विशेषअनुसार हुँदै आएको छ भने। गणतन्त्रले सम्पूर्ण नेपालीको समावेशी, समानुपातिक प्रतिनिधित्व र सबैको अस्तित्वलाई स्वीकार गरेको, सबै भाषाभाषीलाई प्राथमिकता दिने व्यवस्था गरेको भन्दै उहाँले बागमती प्रदेशले नेवारी र तामाङ भाषालाई अग्राधिकार दिएको बताए। प्रदेश सरकारले हाम्रो प्राचीन सभ्यता, संस्कृति, संस्कार र परम्परालाई निरन्तरता दिने विभिन्न टोल, युवा समिति र मानव सभ्यतासँग जोडिएका समुदायको संस्कृति र परम्परा व्यावहारिक र वैज्ञानिक भएको उनले धारणा राखे।

बागमती प्रदेशसभा सदस्य रामकृष्ण चित्रकारले संस्कृति मानव जीवनको महत्वपूर्ण पाटो हो भन्दै हामी मूर्त तथा अमूर्त सम्पदामा अत्यन्तै समृद्ध छौँ भने। उनले मौलिक संस्कृति जगेर्ना गर्नका लागि गरिएको यो प्रयास महत्वपूर्ण छ भन्नुभयो। हौगः भिन्द्योपूजा परिक्रमा व्यवस्थापन समितिका अध्यक्ष राजु ताम्राकारले प्रत्येक वर्ष भिमा एकादशीको भोलिपल्ट आयोजना गरिँदै आएको भीमसेन पूजा परिक्रमामा नगरभित्रका २२ टोलका सार्वजनिक भीमसेन पूजा समितिलाई समेटिएको बताए।पुरातात्विक सम्पदा र संस्कृतिको जगेर्ना प्रदेश सरकारको प्राथमिकता स् मुख्यमन्त्री बानियाँ
काठमाडौँ । बागमती प्रदेशका मुख्यमन्त्री इन्द्रबहादुर बानियाँले काठमाडौँ उपत्यकाका पुरातात्विक सम्पदा, भाषा र संस्कृतिको संरक्षण तथा प्रवर्द्धनमा प्रदेश सरकारले विशेष ध्यान दिने बताएका छन्।

‘हौगः भिन्द्योपूजा परिक्रमा व्यवस्थापन समिति’ले आज ललितपुरको पाटनस्थित चक्रबहिलमा आयोजना गरेको पत्रकार भेटघाट कार्यक्रममा बोल्दै मुख्यमन्त्री बानियाँले पुरातात्विक सम्पदा, भाषा र संस्कृतिको जगेर्ना गर्नु प्रदेश सरकारको दायित्व भएको उल्लेख गरे। उनले प्रदेश सरकारले यही दायित्वअनुसार कर्म गरिरहेको स्पष्ट पारे।
“मन, चित्त र बुद्धि शुद्ध राखेर गरिएका कार्य सफल हुन्छन्। हामीले आफ्नो मन र चित्त शुद्ध राखेर आराधना गर्नुपर्छ,” मुख्यमन्त्री बानियाँले भने, “हाम्रो पुरातात्विक परम्परासँग जोडिएका संस्कृति वैज्ञानिक छन्। पुरानो सभ्यता रहेको काठमाडौँ उपत्यकाको पहिचान जोगाउन बागमती प्रदेश सरकारले निरन्तर काम गर्नेछ।”

मुख्यमन्त्री बानियाँले भीमसेन पूजा नेपालको प्राचीन सांस्कृतिक परम्परा भएको उल्लेख गर्दै पूर्वीय दर्शनले मान्दै आएको सांस्कृतिक देवता भीमसेन महाराजको पूजा स्थान विशेषअनुसार हुँदै आएको बताए। उनले गणतन्त्रले सबै नेपालीको समावेशी र समानुपातिक प्रतिनिधित्व तथा अस्तित्वलाई स्वीकार गरेको उल्लेख गर्दै बागमती प्रदेशले नेवारी र तामाङ भाषालाई अग्राधिकार दिएको जानकारी दिए। साथै प्रदेश सरकारले प्राचीन सभ्यता, संस्कृति, संस्कार र परम्परालाई निरन्तरता दिन विभिन्न टोल, युवा समिति तथा समुदायसँग सहकार्य गरिरहेको उनको भनाइ थियो।
कार्यक्रममा बागमती प्रदेशसभा सदस्य रामकृष्ण चित्रकारले संस्कृति मानव जीवनको महत्वपूर्ण पाटो भएको उल्लेख गर्दै नेपाल मूर्त तथा अमूर्त सम्पदामा अत्यन्तै समृद्ध रहेको बताए। मौलिक संस्कृतिको संरक्षणका लागि यस्ता पहल महत्वपूर्ण रहेको उनले धारणा राखे।

हौगः भिन्द्योपूजा परिक्रमा व्यवस्थापन समितिका अध्यक्ष राजु ताम्राकारले प्रत्येक वर्ष भिमा एकादशीको भोलिपल्ट आयोजना गरिँदै आएको भीमसेन पूजा परिक्रमामा नगरभित्रका २२ वटा टोलका सार्वजनिक भीमसेन पूजा समितिहरूको सहभागिता रहने जानकारी दिए।