बागमती प्रदेश स्वास्थ्य निर्देशनालय हेटौंडाको पहलमा रामेछापबाट गर्भवती एक महिलाको हेलिकप्टरबाट आपतकालीन उद्धार गरिएको छ ।

-------------- बिज्ञापन ---------------

रामेछापको मन्थली–१ की ३५ वर्षीया गर्भवती बेलीमाया तामाङलाई मंगलबार मन्थली अस्पतालबाट हेलिकप्टरमार्फत आपतकालीन उद्धार गरिएको छ ।

मन्थलीको अस्पतालमा पाँच दिनसम्म उपचार भएको र मंगलबार पेटको बच्चा नचलेका कारण तत्कालै उपचार गर्नुपर्ने भएकाले हेलिकप्टरमार्फत उद्धार गरिएको स्वास्थ्य निर्देशनालय हेटौंडाका निर्देशक डा. नरेन्द्रकुमार झाले बताए ।

हेलिकप्टरमार्फत उद्धार गरी स्त्री तथा प्रसूति रोग अस्पताल थापाथली काठमाडौंमा पुर्‍याएर अहिले उपचार भइरहेको छ।