दैलेख र अछाम जिल्ला जोड्ने कर्णाली नदीको झोलुङ्गे पुलको लट्ठा चुँडिदा पार गरिरहेका खच्चरहरु फसेका थिय । फसेका मध्ये ११ वटाको उद्धार भएको छ भने २ वटा खच्चर मरेका छन्

-------------- बिज्ञापन ---------------

स्थानीयवासी र सुरक्षाकर्मीको सहयोगमा ११ वटा खच्चरको उद्धार भएको हो । फसेका खच्चरलाई पुलबाटै उद्धार गर्न सम्भव नभएपछि तार काटेर खच्चरलाई नदीमा खसालेर उद्धार गरिएको हो ।

आज बिहान अछामको पञ्चदेवलबाट दैनिक उपभोग्य सामग्री लिन दैलेखको राकम बजार आउँदै गरेका खच्चर झोलुङ्गे पुलको एकतर्फको लट्ठा चुँडिदा पुलमै फसेका थिए । पुलको लट्ठा चुँडिदा दुई जिल्लाको आउजाउ पनि बन्द भएको छ । दुवै जिल्लाका प्रहरी, सशस्त्र प्रहरीलगायतको टोली खच्चरको उद्धारमा खटिएको थियो ।