कक्षा १२ उत्र्तीण भएका १ नम्वर वडाअध्यक्षलाई मनहरी गाउँपालिकाले आज एक कार्यक्रमका विच सम्मान गरेको छ ।
-------------- बिज्ञापन ---------------
पढाईलाई उमेरले छेक्दैन भन्ने उदाहरण बनेका ५३ वर्षिय वडाअध्यक्ष शिव प्रसाद खनालले कक्षा १२ को परिक्षाफलमा २.४१ जिपिए प्राप्त गर्न सफल भएका थिए ।
सम्मान कार्यक्रममा बोल्दै गाउँपालिका अध्यक्ष रन्जन कालाखेतीले वडाअध्यक्ष खनाल सबैका लागि प्रेरणाका पात्र रहेको बताउनुभयो । उहाँको मिहिनेतले गाउँपालिकालाई राष्ट्रिय रुपमा चिनाउन सफल भएको भन्दै अध्यक्ष कालाखेतीले धन्यवाद ज्ञापन गर्नुभएको थियो।
सम्मान कार्यक्रममा सम्पुर्ण कार्यपालिका परिवार र कर्मचारीहरुले वडाअध्यक्ष खनाललाई खादा र अबिरले सम्मान गरेका थिए ।
