नेकपा (एमाले) ले पार्टीका भीम रावल सहित तीनजना नेताहरूलाई कारबाही गरेको छ ।
-------------- बिज्ञापन ---------------
आज बसेको सचिवालय बैठकले पूर्वउपाध्यक्षसमेत रहेका भीम रावल, स्थायी कमिटी सदस्य डा. विन्दा पाण्डे र केन्द्रीय सदस्य उषाकिरण तिमल्सेनालाई कारबाही गरेको हो ।
पूर्वउपाध्यक्ष रावललाई पार्टीको साधारण सदस्य पनि नरहने गरी पार्टीबाट निस्काशित गरिएको छ । यस्तै, नेतृद्वय पाण्डे र तिमल्सेनालाई ६ महिनाका लागि जिम्मेवारीबाट निलम्बन गरिएको हो ।
पार्टीको हित विपरीत अभिव्यक्ति दिएको भन्दै पार्टीले तीनजनालाई स्पष्टीकरण सोधेको थियो । स्पष्टीकरण चित्त बुझ्दो नभएको भन्दै कारबाही गरिएको हो ।
