मकवानपुर– तुल्सीमेहर मेमोरियल इङ्लिस सेकेन्डरी स्कुलले यही १५ गते वार्षिकोत्सव तथा अभिभावक भेलाको आयोजना गर्ने भएको छ । हेटौंडा १० मा रहेको विद्यालयले ४३ औं वार्षिकोत्सव तथा अभिभावक दिवसको आयोजना गर्न लागेको पत्रकार सम्मेलनमार्फत जानकारी दिएको छ ।
-------------- बिज्ञापन ---------------
बागमती प्रदेशका मुख्यमन्त्री बहादुरसिं लामाको प्रमुख आतिथ्यतामा कार्यक्रम गर्न लागिएको विद्यालयका प्रिन्सिपल रघुनाथ खरालले जानकारी दिए । ुयसपटक हामीले भव्य रुपमा अभिभावक दिवस मनाउन लागेका छौँ, खरालले भने, ुयसलाई हामीले विद्यार्थीका प्रतिभा उजागर गर्ने अवसरको रुपमा पनि लिएका छौं । यसअघि भएका खेलकुदका कार्यक्रमको पुरस्कार वितरण समेत गरिने उनले बताए ।
कार्यक्रममा विद्यार्थीले खानाको स्टल समेत राख्नेछन् । यस्तै विद्यार्थीद्वारा जातजातीको सांस्कृतिक नाच समेत प्रश्तुत हुने खरालले जानकारी दिए । तुल्सीमेहरमा एकहजार १५० विद्यार्थी रहेका छन् ।
