सरकारले साँझको समयमा २३० मेगवाट बिजुली दिन भारतसँग आग्रह गरेको छ । ऊर्जा, जलस्रोत तथा सिँचाइ मन्त्रालयले परराष्ट्र मन्त्रालयमार्फ भारत सरकारलाई औपचारिक आग्रह गरेको हो ।
-------------- बिज्ञापन ---------------
दैनिक २० घण्टासम्म करिब ६०० मेगावाट बिजुली आयात गरेर आन्तरिक माग पूरा गरिरहेको नेपाललाई भारतले गएको सोमवारदेखि बिहान ६ बजेदेखि साँझ ६ बजेसम्म मात्रै बिजुली आयात अनुमति दिएको छ । साँझमा आयात रोकिएपछि उद्योगहरुमा लोडसेडिङ हुन थालेको छ ।
निजी क्षेत्रका दुई व्यवसायिक संस्थाले उद्योगहरुमा विद्युत कटौती नगरी तत्काल नियमित गर्न सरकारसँग अनुरोध गरेका छन् ।
नेपाल उद्योग वाणिज्य महासङ्घ र नेपाल उद्योग परिसङ्घले विज्ञप्ति निकालेर अर्थतन्त्रको मेरुदण्ड रहेको उद्योगहरुमा लोडसेडिङ्ग गरिएकोप्रति ध्यानाकर्षण भएको जनाएका छन् ।
