नेपाली शेयर बजार आज उच्च अङ्कले उकालो लागेको छ। नेपाल स्टक एक्सचेन्ज नेप्से परिसूचक आज ४९ दशमलव ०९ अङ्कले बढेर २,६७७.४५ विन्दुमा पुगेको छ।
-------------- बिज्ञापन ---------------
आज सबै समूहका उपसूचक सकारात्मक रहे पनि विशेषगरी होटल तथा पर्यटन, विकास बैंक, फाइनान्स र जलविद्युत् समूहको शेयर मूल्यमा उल्लेख्य वृद्धि भएको छ। होटल समूहको शेयर मूल्य करिब ३.५ प्रतिशतले उकालो लाग्दा विकास बैंक समूह ३ प्रतिशतले, फाइनान्स र जलविद्युत् समूह पनि २ प्रतिशतभन्दा बढीले उकालो लागेका छन्।
सिन्धु विकास बैंक, सप्तकोशी विकास बैंक र ओम मेगाश्री फर्मास्युटिकल्स कम्पनीका शेयर १० प्रतिशतले वृद्धि भई यता, बजार उकालो लागेको दिन विन नेपाल लघुवित्तको शेयर मूल्य भने सबैभन्दा धेरै, ३ प्रतिशतले घटेको छ।
आजको कारोबारमा ३१० वटा कम्पनीका १ करोड ६८ लाख कित्ता शेयर किनबेच भएका छन्। कुल कारोबार रकम ७ अर्ब ३१ करोड रुपैयाँ पुगेको छ। हिजोको तुलनामा कारोबार रकम थोरै घटेको हो, हिजो ७ अर्ब ३५ करोड रुपैयाँको कारोबार भएको थियो।
