हेटौंडा । पशु सेवा कार्यालय हेटौंडा मकवानपुरको आयोजना तथा हेटौंडा उपमहानगरपालिकाको समन्वयमा लम्पी स्किन रोग नियन्त्रण तथा रोकथामका लागि निः शुल्क खोप अभियान कार्यक्रम सुरु भएको छ । बुधबार हेटौंडा–१६, १७ र १८ का किसानलाई ५ हजार खोप वितरण गर्दै कार्यक्रम सुरु गरिएको हो ।
करिव ६ लाख रुपैयाँको खोप वितरण गरिएको पशु सेवा कार्यालय हेटौंडा मकवानपुरका प्रमुख बज्रकिशोर ठाकुरले जानकारी दिए ।
-------------- बिज्ञापन ---------------
लम्पी स्किन रोग देखा परेपछि जोखिम कम गर्न वडामा खोप अभियान सुरु गरिएको ठाकुरले बताए । उनका अनुसार अभियान क्रमिक रूपमा आवश्यकताअनुसार अन्य वडामा पनि विस्तार गरिने जानकारी दिनुभयो ।
लम्पी स्किन रोग गाईगोरुमा देखिने छालासम्बन्धी संक्रामक रोग हो, जसबाट पशु कमजोर हुने, दूध उत्पादन घट्ने र मृत्यु समेत हुने जोखिम हुन्छ। यस कारण पशु स्वास्थ्य तथा किसानको आयमा गम्भीर असर पर्ने भएकाले खोपमार्फत रोकथाममा जोड दिइएको जनाइएको छ।
