मकवानपुरको राक्सिराङ गाउँपालिकामा गोली प्रहार गरेर एकजनाको हत्या भएको छ । शुक्रबार बिहान करिब १० बजेको समयमा राक्सिराङ गाउँपालिका १ कोलगैरी ठकुरीडाँडाका ७५ वर्षीय वृद्धा इमानसिंह थोकरले सोही स्थानका ६४ वर्षीय ठूले गोलेलाई गोली प्रहार गरी हत्या गरेका हुन् ।
-------------- बिज्ञापन ---------------
जिल्ला प्रहरी कार्यालय मकवानपुरका अनुसार पुरानो रिसिबीका कारण हत्या भएको प्रारम्भिक अनुसन्धानबाट खुलेको छ । इलाका प्रहरी कार्यालय मनहरीका प्रहरी निरीक्षक दीपक थापा नेतृत्वको कमाण्डमा गएको टोलीले हत्या गरी नजिकैको जंगलमा लुकेर बसिरहेको अवस्थामा थोकरलाई दिउँसो करिब ४ बजे पक्राउ गरेको छ ।
प्रहरीका अनुसार गोली प्रहार गर्ने थोकर अनकन्टार जंगलमा लुकेर हतियारसहित बसिरहेका थिए । प्रहरीले थोकरको साथबाट कटुवा पेस्तोल एक थान, गोली दुई राउण्ड, खोका १ थान र १९० ग्राम गन पाउडर समेत बरामद गरेको छ ।
घटनाको विषयमा विस्तृत अनुसन्धान भइरहेको जिल्ला प्रहरी कार्यालय मकवानपुरले जनाएको छ ।
