हिजो बेलुका क्लाउडफ्लेयरमा उत्पन्न भएको प्राविधिक समस्याले विश्वभरका वेबसाइटसँगै नेपालका विभिन्न अनलाइन पोर्टल र सेवाहरूसमेत प्रभावित भएका छन्। सामाजिक सञ्जाल ‘एक्स’ (पहिलेको ट्वीटर) लगायतका ठूला प्लाटफर्मदेखि अनेक नेपाली अनलाइन समाचार साइट, इ–कमर्स साइट तथा सेवा प्रदायकका वेबपेजहरूमा प्रयोगकर्ताले ‘इन्टरनल सर्भर इरर’ लगायतका समस्या अनुभव गरेका थिए।
-------------- बिज्ञापन ---------------
इन्टरनेट पूर्वाधार सेवा प्रदायकका रूपमा विश्वभर परिचित क्लाउडफ्लेयरले समस्या देखिएलगत्तै एक सूचना जारी गर्दै आफूहरू घटनाबारे अवगत रहेको र समाधानका लागि अनुसन्धान चलाइरहेको जनाएको थियो।
समस्याका कारण वेबसाइटको उपलब्धता निगरानी गर्ने ‘डाउन डिटेक्टर’ नामक सेवा समेत केही समयका लागि अवरुद्ध भएको थियो।
केही समय प्रभावित भएका वेबसाइटहरू क्लाउडफ्लेयरले समस्या समाधान गरेपछि क्रमशः सामान्य अवस्थामा फर्किन थालेका छन्।
