हेटौंडा । श्री सर्वोत्तम संचिती बचत तथा ऋण सहकारी संस्था लिमिटेडको १९औँ वार्षिक साधारण सभा आगामी मंसिर २६ र २७ गते आयोजना गर्ने भएको छ। हेटौंडा उपमहानगरपालिका–८, कमानेस्थित शुभम् पार्टी प्यालेसमा आयोजना हुने आज आयोजित पत्रकार सम्मेलनमार्फत संस्थाका अध्यक्ष रामबहादुर बस्नेतले जानकारी दिनुभयो।
-------------- बिज्ञापन ---------------
अध्यक्ष बस्नेतका अनुसार साधारण सभाको उद्घाटन बागमती प्रदेशका मुख्यमन्त्री इन्द्रबहादुर बाँनियाबाट हुने छ। सहकारीले बचत तथा ऋण सेवाका साथै २०७६ सालदेखि तेलमेल सञ्चालन गर्दै आएको छ भने अहिले तेल, चामल, पिठो, नून, बेसारसहित विभिन्न घरायसी र खाद्यान्न सामग्री उत्पादन गरी बिक्री–वितरण गर्दै आएको छ।
लगभग ३ हजार सदस्य रहेको संस्थाले सहकारीद्वारा उत्पादित वस्तु तथा सेवाबारे सदस्य तथा स्थानीय बासिन्दालाई अवगत गराउने उद्देश्यले साधारण सभामा ५० वटा प्रदर्शन स्टल राख्ने तयारी गरेको छ
स्टलमार्फत सहकारीले उत्पादन गरेको सामानको प्रदर्शनीका साथै मनपर्ने वस्तु सहजै किन्न सकिने व्यवस्था मिलाइएको उत्पादन समिति संयोजक प्रेम अधिकारीले जानकारी दिनुभयो।
