हेटौंडा–१७ सानोगङ्गटेमा करेन्ट लागेर एकजनाको मृत्यु भएको छ । विद्युतको ट्रान्समिटरमा काम गर्ने क्रममा करेन्ट लागेर एकजनाको मृत्यु भएको हो । मृत्यु हुनेमा मकवानपुरको मनहरी गाउँपालिका ५ बसन्तपुर बस्ने अन्दाजी २७ वर्षका निरज भन्ने आदर्श भट्टराई रहेका छन् । करेन्ट लागेर गम्भीर घाईते भएका भट्टराईको उपचारको क्रममा  हेटौंडा अस्पतालमा मृत्यु भएको जिल्ला प्रहरी कार्यालय मकवानपुरले जनाएको छ ।                                                                                                                                                                     काम गरिरहेको अवस्थामा करेन्ट प्रवाह भएकोले उनको मृत्यु भएको स्थानीयले जनाएका छन् ।                                                         विद्युत प्राधिकरणको लापरबाहीले मृत्यु भएको भन्दै स्थानीय र मृतकका आफन्त आक्रोशित भएका छन् ।

-------------- बिज्ञापन ---------------