आगामी फागुन २१ गते हुन गइरहेको प्रतिनिधिसभा निर्वाचनलाई मध्यनजर गर्दै सरकारले देशभर तीन दिन सार्वजनिक बिदा दिने निर्णय गरेको छ।
-------------- बिज्ञापन ---------------
आज बसेको मन्त्रिपरिषद् बैठकले निर्वाचनको पूर्वसन्ध्या, निर्वाचनको दिन र त्यसको भोलिपल्ट गरी फागुन २०, २१ र २२ गते सार्वजनिक बिदा दिने निर्णय गरेको हो।
निर्वाचन आयोगको सिफारिस बमोजिम सरकारले यो निर्णय लिएको हो। आफ्नै गृहजिल्ला र गाउँ पुगेर मतदान गर्न चाहने कर्मचारी, शिक्षक तथा निजी क्षेत्रमा कार्यरत सर्वसाधारणलाई सहज होस् भन्ने उद्देश्यले सरकारले तीन दिनको ‘बिदा’ दिएको बुझिएको छ।
