हेटौंडा उपमहानगरपालिका १६, हटियामा यामाहा कम्पनिको स्पेयर पार्टससहित सर्भिस सेन्टर आजबाट सञ्चालनमा आएको छ ।
-------------- बिज्ञापन ---------------
दुई पांग्रे यामाहा मोटरसाइकल र स्कुटरका लागि कम्पनिले आधिकारिक स्पेयर पार्टससहित सर्भिस सेन्टर सञ्चालनमा ल्याएको हो । आधिकारिक विक्रेता राज मोटर्समार्फत स्थानीय विपेश कार्कीले आधिकारिक स्पयेर पार्टससहित सर्भिस सेन्टर सञ्चालनमा ल्याएका हुन ।
हेटौँडा–६, १५ र १७ नम्बर वडाका अध्यक्षहरु विष्णुबहादुर दाहाल, सुनिल मोक्तान र उद्धव सत्यालसहित यामाहा कम्पनिको हेटौँडाका लागि आधिकारिक विक्रेता राज मोटर्सका सञ्चालक राजन श्रेष्ठले संयुक्तरुपमा सर्भिस सेन्टरको उद्घाटन गर्नुभएको हो ।
यसअघि मोटरसाइकल वर्कसपको रुपमा सञ्चालनमा रहेको पाँच पाण्डव मोटरसाइकल वर्कसपले आफ्नो सेवालाई गुणस्तरीय बनाउने क्रममा आधिकारिक स्पेयर पार्टस् र सर्भिस सेन्टरको रुपमा रुपान्तरण गरेको हो ।
करिब १५ लाख रुपैयाँको लागतमा संचालनमा ल्याईएको सर्भिस सेन्टरको उद्घाटनको अवसरमा मंगलबारसम्म टेस्ट राइड, मोटरसाइकल, स्कुटरको निशूल्क परीक्षण, एफआई चेकअप क्याम्प सञ्चालन गरिएको राज मोटर्सका सञ्चालक राजन श्रेष्ठले जानकारी दिनुभयो ।
